Descobre o Museo do Pobo Galego a través da súa guía multimedia oficial. Poderás coñecer o modo de vida e as manifestacións culturais máis destacadas dos habitantes de Galicia, alén da historia da institución e a do mosteiro de San Domingos de Bonaval. Todo, nunha completa viaxe a través de pequenos textos, imaxes, gifs, mapas, vídeos, sons... A aplicación irache avisando durante a túa visita do que non debes deixar de coñecer.
